STOREGJERDESAMLINGA

Galleri 7374 foto Side 677 av 1054


Bildetekst:
Dette bildet er nokså greit å tidfeste. Det er teke i 1918. Vi tar utgangspunkt i det store huset midt på bildet, som er under oppføring. Vilhelm Digernes frå Ørsta fekk skøyte på tomta i 1920. Men her, som i mange andre tilfelle, vart huset bygd før det blei ordna med skøyte.

Noverande eigarar fortel at huset vart bygd i 1918, så dette bildet er frå 1918 og er teke frå Kjøsaplassen litt ovanfor vegen. Vi ser guanomylna til Teigene a/s til høgre i sjøkanten.

I mellom det nye huset og mylna, ser vi Skolmabuda (seinare Polarsel-buda) med kommunekaia. Rett attanfor Skolmabude ser vi taket på den første Tampenbuda. For denne buda har vi vanskar med å tidfeste byggeår, Kanskje kan vi greie det på andre bilder der vi kan samanlikne med andre hus og byggverk. Men buda brann i 1920, like etter Gudmundset gjekk konkurs, og Johannes R. Hareide tok over både buda og "Tampen" i 1920.

Litt lengre til venstre, om lag midt i bildet, ser vi også ei stor bud med ark imot oss. Denne buda stod på turt land, og vart bygd av Hareid Bondelag i 1916 som korn- og mjøllager. Hareid Kommune tok over denne buda og installerte kommunale kontor her frå 1934. Ho vart riven i 1977.

(Informant: Johs. Klungsøyr).

ID: SASf-001.4733 Kommune: Hareid
 Distrikt: Hareid
 Stad: Hareid, Kjøsaplassen
 Motiv: Landskap Årstal: 1918

Kommentarar:
Dato Navn Kommentar
10.12.2015 Johs Klungsøyr Dette bildet er nokså greit å tidfeste. Det er teke i 1918. Vi tar utgangspunkt i det store huset midt på bildet, som er under oppføring. Vilhelm Digernes frå Ørsta fekk skøyte på tomta i 1920. Men her, som i mange andre tilfelle, vart huset bygd før det blei ordna med skøyte. Noverande eigarar fortel at huset vart bygd i 1918, så dette bildet er frå 1918 og er teke frå Kjøsaplassen litt ovanfor vegen. Vi ser guanomylna til Teigene a/s til høgre i sjøkanten. Imellom det nye huset og mylna, ser vi Skolmabuda (seinare Polarsel-buda) med kommunekaia. Rett attanfor Skolmabude ser vi taket på den første Tampenbuda. For denne buda har vi vanskar med å tidfeste byggeår, Kanskje kan vi greie det på andre bilder der vi kan samanlikne med andre hus og byggverk. Men buda brann i 1920, like etter Gudmundset gjekk konkurs, og Johannes R. Hareide tok over både buda og "Tampen" i 1920. Litt lengre til venstre om lag midt i bildet ser vi også ei stor bud med ark imot oss. Denne buda stod på turt land, og vart bygd av Hareid Bondelag i 1916 som korn- og mjøllager. Hareid Kommune tok over denne buda og installerte kommunale kontor her frå 1934. Ho vart riven i 1977.